RC” Mara ataka waliovamia eneo la hifadhi ya Serengeti kuondoka ndani ya siku 60

MKUU wa mkoa wa Mara, Adam Malima, amewataka wananchi walioweka makazi na kufanya malisho kwenye eneo la Hifadhi ya Taifa ya Serengeti (Senapa) kuondoka ndani ya siku 60 kabla hatua zaidi za kisheria kuchukuliwa kwa wale waliofanya hivyo.

Akizungumza na wananchi wa Kijiji cha Nyandage Kata ya Nyanungu wilayani Tarime mara baada ya kutembelea vijiji vilivyo jirani nahifadhi hiyo,amesema sheria iliyopo kuhusiana na masuala ya hifadhi lazima ifuatwe kwa kulinda rasilimali za taifa.

Amesema ametumwa na Rais wa Jamhuri ya Muungano wa Tanzania,Dkt. John Pombe Magufuli,pamoja na mambo mengine kusimamia sheria na hawezi kukubali kuona sheria ikivunjwa kwa masrahi ya watu wachache.

Malima amesema kazi iliyofanyika ya uainishaji wa mipaka imefanyika kisheria na mipaka ya hifadhi hiyo ipo tangu mwaka 1968 na kuwataka wanasiasa wasitafute umaarufu kupitia mipaka hiyo.

Amesema wapo wananchi ambao

wamejenga na kuweka makazi ndani ya hifadhi na wengine kujenga katika eneo la akiba la hifadhi jambo ambalo ni kinyume cha sheria na wananchi wamekaa kwa mazoea.

Mkuu huyo wa mkoa amesema mbunge wa jimbo

la Tarime vijijini, John Heche, ameongea sana bungeni kuhusiana na jambo hilo ambalo limefanyika kisheria ambazo wamezitunga wabunge na yeye ataendelea kuzisimamia kama zilivyo mpaka pale wabunge watakapokaa tena na kuzibadilisha.

“ Kwa sasa siwezi kwenda kinyume na sheria iliyopo,kwa yoyote ambaye ameweka makazi ndani ya hifadhi na kwenye eneo la akiba natoa siku 60 kila muhusika aweze kuondoka.

“ Kiongozi wangu wa chama Mwenyekiti wa wilaya(CCM) naye amejenga na kufanya shughuli za malisho katika eneo la akiba la hifadhi nimemwambia aondoke ndani ya siku 60 nilizozitoa ili tulinde hifadhi zetu,”amesema Malima.

Mhifadhi wa kanda ya kaskazini katika hifadhi hiyo ya Serengeti, Lameck Matungwa, amesema kazi ya uainishaji mipaka wameifanya kwa mujibu wa sheria ili kuweza kulinda mipaka na sivinginevyo.

Amesema ni aibu kuona nchi jirani ya Kenya katika eneo la hifadhi ya Masai Mara likilindwa na kuzuia uingizaji wa mifugo kufanya malisho lakini kwa Tanzania imekuwa ni tofauti na kuwafanya wahifadhi kufanya kazi ya kupambana na mifugo

Mhifadhi wa Kanda ya kaskazini katika hifadhi ya Serengeti,Lameck Matungwa, akizungumza na Waandishi wa Habari

Mkuu wa wilaya ya Tarime, Gloriois Luoga, akisisitiza jambo wakati wa ziara ya mkuu wa mkoa kwenye hifadhi ya Serengeti

Zizi la Mwenyekiti wa CCM wilaya ya Tarime, Daud Ngicho,lililojengwa ndani eneo la akiba la hifadhi

Nyumba ya Mwenyekiti wa CCM wilaya ya Tarime ambayo imejengwa kwenye eneo la akiba la hifadhi ambapo mkuu wa mkoa ametoa siku 60 wavamizi wote kuondoka hifadhini