Kambi Miss Mara 2018 yazidi kushika kasi kwa maandalizi

KAMBI ya maandalizi ya shindano la Miss Mara kwa mwaka 2018 imeendelea kushika kasi kwenye eneo tulivu la Le Grand Beach manispaa ya Musoma huku tayari jumla ya warembo 15 wakiwa kambini kujiandaa na kinyang'anyiro hicho kitakachofanyika julai 7 mwaka huu.

Waandaji wa shindano hilo kampuni ya Space 2000 Co Ltd kupitia moja ya wakurugenzi wake, Abubakar Nyamakato,amesema maandalizi yote kwa ujumla yanakwenda vizuri na burudani za kutosha zimeeandaliwa kwa wapenzi wa burudani watakao hudhuria shindano hlo.

Moja ya wasanii watakaotoa burudani siku ya shindano hilo ni, Harmonize kutoka kundi la Wasafi ambaye kwa sasa anashika nafasi ya juu katika vituo mbalimbali vya redio kutokana na nyimbo zake ambazo ameshazitoa.

Kwa upande wake msemaji wa shindano hilo, Shomari Binda, amesema shindano hilo litakuwa la mfano kufanyika tangu kuanza kwa mashindano hayo kutokana na kujiandaa vizuri kwa lengo la kutoa burudani ya kutosha.